ياعديم الذوق ماعندك يقين ؟؟ ..
بنت حمران النواظر ماتهاب .
مثلك اليا جاب اسمي يستكين ..

ياقف اجلال وتحيه وارتياب

هيبتي اللي روّضت سود اليدين ..

ماقواها الوقت وانياب الذياب

العزيز اكون له عز العوين ..

والخسيس ارخص علي من التراب

وراسي المطنوخ والله مايلين
معتلي فوق الثريا والسحاب
وربعي المطران ذربين اليمين ..
ماشكوا من قسوة الدنيا صعاب
انشد الطيّب وسيد العارفين
دوني رجالن تهيب ولا تهاب

كلمتن تبقى على مر السنين

واستمع ياوقت وسجل ياكتاب
من قديم الوقت حنا كاسبين ..
خوة الأمجاد والصيت المهاب
/